當遇上挫折、失敗嘅時候，你需要幾耐先能夠從谷底反彈？你會唔會成日自怨自艾，久久都唔能夠企返起身？一個人能否喺挫折、痛苦中迅速康復，某程度上係要睇佢天生性格係咪樂觀、開朗、意志力頑強等，但如果你唔係呢種人，亦唔代表你永遠無機會爬返起身。「反彈能力」係可以培養同加強，不妨鍛鍊一下：
．遇上困難時，為自己重新定位，唔好當自己係受害者，淨係識得諗自己有幾無用，而係話俾自己聽「我係一個解決問題嘅人」，諗諗點樣可以解決問題。
．平時久唔久就俾一啲新挑戰自己，做一啲平時唔敢做嘅事，例如你畏高，就去玩吓跳樓機；無乜音樂感，就去學吓樂器。咁做有助你跳出感覺自在嘅框框，鍛鍊自己嘅膽量同鬥志，當遇上挫折時，就自然更有勇氣去面對。
．搵一個勇於面對挫折嘅人做榜樣，例如遇到問題總會咬緊牙關渡過嘅爸爸媽媽，睇吓佢哋如何克服困難，從中學習，作為借鏡。．做運動可以令你更 positive，亦能鍛鍊你「撐落去」嘅意志力，例如平時跑步跑30分鐘，試吓跑多15分鐘，或者練yoga時hold一個動作hold多10秒，幾辛苦都叫自己唔好放棄，可以加強你面對困難時嘅韌力。
來源: 網上流傅
