天使的话
曾经有个朋友同我讲过佢自己既故事.....
在一年多前，佢同相恋左好多年既女朋友分手，伤心欲绝.... 就响呢段时间,佢睇左一部不知名既电影，内容系讲有个人死左之后去到天堂，果度有好多好多天使，仲有好多好似电视机既机器.... 天使请呢个人坐低，然后呢D机器就开始放映呢个人既一生。
就系咁,呢个人就睇住自己既一生好似电影咁播放.... 但系,佢发现机器每次放映紧佢逃避现实既场面，画面就会停格， 而呢部机器曾经停格响:-
1.佢第一次激嬲爸爸妈妈而唔敢道歉。
2.佢深深爱上一个女人但系又唔敢表达。
3.为人父亲既时侯，唔敢表达自己对仔女既爱。
4.到死既时候,都唔肯讲出内心所想。
就系咁，呢个人一生既片段放完啦....天使们讨论一阵之后同呢个人讲:- 你呢一生人里面,完全缺乏爱同埋勇气，所以我地要请你重回人间，去学一学咩野叫爱同埋勇气之后，先至再番上黎呢度。 画面一转，呢个人又再一次出世啦...因为佢要重新去学咩叫爱同埋勇气。
我个朋友话比我知，呢部电影令佢非常震撼同埋感动... 因为,原来如果佢呢世学唔识咩叫原谅，佢就要来生再学; 如果佢呢世学唔识勇敢面对，佢又要来生再学; 咁样,佢觉得点解唔响呢一世就学好呢两样野呢？ 呢个朋友既一番说话，令到我重新提起勇气去面对我应该要面对既生活同事情。
其实,系天使的话!! 电影里面有一位天使曾经咁样讲过： 有好多人进出你既生命; 但系只有真正爱你同钖你既人先会响你个心里面留底佢地既脚印,眼泪同心跳.. 如果一个人背叛你一次，系佢既错﹔ 如果一个人背叛你两次，咁就系你既错... 失去金钱既人，失去好多﹔ 失去朋友既人，失去更多﹔ 失去信心既人，失去所有。 美丽既人系天然形成，美丽既心先至系难能可贵。 你同我系朋友，你会带比我另一位朋友，咁我地互相就有三个朋友，我地就开始成为一个小组，就好似一个圈圈， 无开始亦都无结束,无贵贱亦都无彼此...一路延续落去...今生今世...
有一个天使派我黎到您身边守护您....
资料来源：网络流传
